ภาคิเนยฺโย อโหสิ มิตฺโต อโหสิ ฯ โพธิสตฺโต มหาราช อเนกชาติสตสฺหสฺสานิ เถรสฺส
สารีปุตฺตสฺส ปิตา อโหสิ ฯ เป ฯ มิตฺโต อโหสิ ฯ สพฺเพปิ เต มหาราช สตฺตา
สตฺตนิกายปริยาปนฺนา สํสารโสตมนุคตา สํสารโสเตน วุยฺปนฺตา อปฺปิเยหิปิ ปิเยหิปิ
สมาคจฺฉนฺติ ฯ ยถา มหาราช อุทกํ โสเตน วุยฺหมานํ สุจิอสุจิกลฺยาณปาปเกหิ สทฺธึ
สมาคจฺฉติ เอวเมว โข มหาราช สพฺเพปิ สตฺตา สตฺตนิกายปริยาปนฺนา สํสารโสตํ อตุคตา
สฺสารโสเตน วุยฺหนฺตา อปฺปเยหิปิ ปิเยหิปิ สมาคจฺฉนฺติ ฯ เทวทตฺโต มหาราช ยกฺโข
สมาโน อตฺตนา อธมฺมิโก สมาโน ปเร อธมฺเม นิโยเชตฺวา สตฺตปญฺญาสวสฺสโกฏิโย
สฏฺฐิญฺจ วสฺสสตสหสฺสานิ มหานิรเย ปจฺจิ ฯ โพธิสตฺโตปิ มหาราช ยกฺโข สมาโน
อตฺตนา ธมฺมิโก สมาโน ปเร ธมฺเม นิโยเชตฺวา สตฺตปญฺญาสวสฺสโกฏิโย สฏฺฐิญฺจ
วสฺสสตสหสฺสานิ สคฺเค ปโมทิ สพฺพกามยสสมงฺคี ฯ อปิจ มหาราช เทวทตฺโต อิมสฺมึ
ภเว พุทฺธํ อนุสาสนิยํ อปฺปสาเทสิ สกิเลสภาคิเกน โส สมคฺคญฺจ สํฆํ ภินฺทิตฺวา ปฐวึ
ปาวิสิ ตถาคโต พุชฺฌิตฺวา สพฺพธมฺเม นิพฺพุโต อุปธิสํขเยติ ฯ สาธุ ภนฺเต นาคเสน
เอวเมตํ ตถา ธาเรยฺยามีติ ฯ

กุสลากุสฺลสมสมปญฺโห ปญฺจโม ฯ

ภนฺเต นาคเสน ภาสิตมฺปิ เหตํ ภควตา
สเจ ลเภถ ขณํ วา รโห วา
นิมนฺตกํ วาปิ ลเภถ ตาทิสํ
สพฺพาปิ อิตฺถิโย กเรยฺยุ ปาปํ
อญฺญํ อลทฺธา ปีฐสปฺปินา สทฺธินฺติ ฯ
ปุน จ เอวํ กถิยติ มโหสถสฺส ภริยา อมรา นาม อิตฺถี คามเก ฐปิตา ปวุตฺถปติกา
รโห นิสินฺนา วิวิตฺตา ราชปฏิสมํ สามิกํ กริตฺวา สหสฺเสน นิมนฺติยมานา ปาปกมฺมํ
นากาสีติ ฯ ยท ภนฺเต นาคเสน ภควตา ภณิตํ
สเจ ลเภถ ขณํ วา รโห วา
นิมนฺตกํ วาป ลเภถ ตาทิสํ
สพฺพาปิ อิตฺถิโย กเรยฺยุ ปาปํ
อญฺญํ อลทฺธา ปีฐสปฺปินา สทฺธินฺติ

เตนหิ มโหสถสฺส ภริยา อมรา นาม อิตฺถี คามเก ฐิตา ปวุตฺถปติกา รโห นิสินฺนา
วิวิตฺตา ราชปฏิสมํ สามิกํ กริตฺวา สหสฺเสนปิ นิมนฺติยมานา ปาปกมฺมํ นากาสีติ ยํ
วจนํ ตํ มิจฺฉา ฯ ยทิ มโหสถสฺส ภริยา ฯ เป ฯ ปาปกมฺมํ นากาสิ เตนหิ สเจ
ลเภถ ขณํ วา รโห ฯ เป ฯ อญฺญํ อลทฺธา ปีฐสปฺปินา สทฺธินฺติ ยํ วจนํ ตํ
มิจฺฉา ฯ อยํปิ อุภโต โกฏิโก ปญฺโห ตวานุปิปตฺโต โส ตยา นิพฺพาหิตพฺโพติ ฯ
ภาสิตมฺปิ เหตํ มหาราช ภควตา
สเจ ลเภถ ขณํ วา รโห วา
นิมนฺตกํ วาปิ ลเภถ ตาทิสํ
สพฺพาปิ อิตฺถิโย กเรยฺยุ ปาปํ
อญฺญํ อลทฺธา ปีฐสปฺปินา สทฺธินฺติ ฯ
ปุน จ กถิยติ มโหสถสฺส ภริยา อมรา นาม อิตฺถี คามเก ฐปิตา ปวุตฺถปติกา
รโห นิสินฺนา วิวิตฺตา ราชปฏิสมํ สามิกํ กริตฺวา สหสฺเสน นิมนฺติยมานา ปาปกมฺมํ
ฯ อกาสีติ ฯ กเรยฺย มหาราช อิตฺถึ สหสฺสํ ลภมานา ตาทิเสน ปุริเสน สทฺธึ
ปาปกมฺมํ ฯ สา น กเรยฺย สเจ ขณํ วา รโก วา นิมนฺตกํ วา ตาทิสํ
ลเภยฺย ฯ วิจินฺนตา สา มหาราช อมรา อิตฺถี น อทฺทส ขณํ วา รโห วา นิมนฺตกํ
วาปิ ตาทิสํ ฯ อิธโลเก ครหภยา ขณํ น ปสฺสิ ปรโลเก นิรยภยา ขณํ น ปสฺสิ
ปาปํ ฉิทฺทนฺติ ขณํ น ปสฺสิ ปิยํ อมุญฺจิตุกามา ขณํ น ปสฺส สามิกสฺส คุรุกตาย
ขณํ น ปสฺสิ ธมฺมํ อปจายนฺตี ขณํ น ปสฺสิ อนริยํ ครหนฺตี ขณํ น ปสฺสิ กิริยํ
อภินฺทิตุกามา ขณํ น ปสฺสิ ฯ เอวรูเปหิ พหุเกหิ การเณหิ ขณํ อปสฺสิตฺวา ปาปํ
น อกาสิ ฯ รโหปิ สา โลเก วิจินิตฺวา ปสฺสนฺตี ปาปํ นากาสิ ฯ สเจ สา มนุสฺเสหิ
รโห ลเภยฺย อถ อมนุสฺเสหิ รโห น ลเภยฺย สเจ อมนุสฺเสหิ รโห ลเภยฺย อถ
ปรจิตฺตวิทูหิ ปณฺฑิเตหิ รโห น ลเภยฺย สเจ ปรจิตฺตวิทูหิ ปณฺฑิเตหิ รโห ลเภยฺย
อถ อตฺตโนว ปาเปหิ รโห น ลเภยฺย สเจ สา สํวาเสน อตฺตโนว ปาเปหิ รโห
ลเภยฺย อถ อธมฺเมน รโห น ลเภยฺย ฯ เอวรูเปหิ พหุวิเธหิ การเณหิ รโห อลภิตฺวา
ปาปกมฺมํ นากาสิ ฯ นิมนฺตกํปิ สา โลเก วิจินิตฺวา ตาทิสํ อลภนฺตี ปาปํ
นากาสิ ฯ มโหสโถ มหาราช ปณฺฑิโต อฏฺฐวีสติยา องฺเคหิ สมนฺนาคโต ฯ กตเมหิ
องฺเคหิ ฯ มโหสโถ มหาราช ปณฺฑิโต สูโร หิริมา โอตฺตปฺปี สปกฺโข มิตฺตสมฺปนฺโน

ขโม สีลวา สจฺจวาที โสเจยฺยสมฺปนฺโน อกฺโกธโน อนติมานี อนุสุยฺยโก วิริยวา อายูหิโก
สงฺคหโก สํวิภาคี สขิโล นิวาตวุตฺติ สณฺโห อสโฐ อมายาวี อติพุทฺธินยสมฺปนฺโน
วิชฺชาสมฺปนฺโน กิตฺติมา หิโต อุปนิสฺสิตานํ ปตฺถิโต สพฺพชนสฺส ธนวา ยสวา ฯ มโหสโถ
มหาราช ปณฺฑิโต อิเมหิ อฏฺฐวีสติยา องฺเคหิ สมนฺนาคโต ฯ สา อญฺญํ ตาทิสํ นิมนฺตกํ
อลภิตฺวา ปาปํ นากาสีติ ฯ สาธุ ภนฺเต นาคเสน เอวเมตํ ตถา สมฺปฏิจฺฉามีติ ฯ

อมราเทวีปญฺโห ฉฏฺโฐ ฯ

ภนฺเต นาคเสน ภณิตํ เจตํ ภควตา วิคตภยสนฺตาสา อรหนฺโตติ ฯ ปุน
จ นคเร ราชคเห ธนปาลกํ หตฺถึ ภควติ อาคจฺฉนฺตํ ทิสฺวา ปญฺจ ขีณาสวสตานิ
ปริจฺจชิตฺวา ชินวรํ ปกฺกนฺตานิ ทิสาวิทิสํ เอกํ ฐเปตฺวา เถรํ อานนฺทํ ฯ กินฺนุ โข
ภนฺเต นาคเสน เต อรหนฺตา ภยา ปกฺกนฺตา ปญฺญายิสฺสติ สเกน กมฺเมนาติ
ทสพลํ ปาเตตุกามา ปกฺกนฺตา อุทาหุ ตถาคตสฺส อตุลํ วิปุลํ อสมํ ปาฏิเหรํ ทฏฺฐุกามา
ปกฺกนฺตา ฯ ยทิ ภนฺเต นาคเสน ภณิตํ ตถาคเตน วิคตภยสนฺตาสา อรหนฺโตติ เตนหิ
นคเร ราชคเห ธนปาลกํ หตฺถึ ภควติ อาคจฺฉนฺตํ ทิสฺวา ปญฺจ ขีณาสวสตานิ ปริจฺจชิตฺวา
ชินวรํ ปกฺกนฺตานิ ทิสาวิทิสํ เอกํ ฐเปตฺวาเถรํ อานนฺทนฺติ ยํ วจนํ ตํ มิจฺฉา ฯ
ยทิ นคเร ราชคเห ธนปาลกํ หตฺถึ ภควติ อาคจฺฉนฺตํ ทิสฺวา ปญฺจ ขีณาสวสตานิ
ปริจฺจชิตฺวา ชินวรํ ปกฺกนฺตานิ ทิสาวิทิสํ เอกํ ฐเปตฺวา เถรํ อานนฺทํ เตนหิ วิคตภยสนฺตาสา
อรหนฺโตติ ยํ วจนํ ตมฺปิ มิจฺฉา ฯ อยมฺปิ อุภโต โกฏิโก ปญฺโห ตวานุปฺปตฺโต
โส ตยา นิพฺพาหิตพฺโพติ ฯ
ภาสิตมฺปิ เหตํ มหาราช ภควตา วิคตภยสนฺตาสา อรหนฺโตติ ฯ นคเรปิ
ราชคเห ธนปาลกํ ปตฺถึ ภควติ อาคจฺฉนฺตํ ทิสฺวา ปญฺจ ขีณาสวสตานิ ปริจฺจชิตฺวา
ชินวรํ ปกฺกนฺตานิ ทิสาวิทิสํ เอกํ ฐเปตฺวา เถรํ อานนฺทํ ฯ ตญฺจ ปน น ภยา
นาปิ ภควนฺตํ ปาเตตุกามตาย ฯ เยน ปน เหตุนา มหาราช เต อรหนฺโต
ภาเยยฺยุํ วา ตเสยฺยุํ วา เตสํ โส เหตุ อรหนฺตานํ สมุจฺฉินฺโน ตสฺมา อรหนฺโต
วิคตภยสนฺตาสา ฯ ภายติ นุ โข มหาราช มหาปฐวี ขณนฺเต วา ภินฺทนฺเต วา
ธารนฺเต วา สมุทฺทปพฺพตสิขเรปีติ ฯ น หิ ภนฺเตติ ฯ กึการณาติ ฯ นตฺถิ ภนฺเต
มหาปฐวิยา โส เหตุ เยน เหตุนา มหาปฐวี ภาเยยฺย วา ตเสยฺย วาติ ฯ เอวเมว
โข มหาราช อตฺถิ อรหนฺตานํ โส เหตุ เยน เหตุนา อรหนฺโต ภาเยยฺยุํ วา ตเสยฺยุํ